L'Équipe: "ოქროს ბურთის მოგების შემდეგ, დემბელემ ხელფასის გაზრდა მოითხოვა..."
ერთ-ერთი ყველაზე ცნობილი და გავლენიანი ფრანგული სპორტული გამოცემა "L'Équipe"-ს ინფორმაციით, მას შემდეგ, რაც უსმან დემბელემ ოქროს ბურთი მოიგო, მეორე დღესვე პსჟ-ს მესვეურებს ხელფასის საგრძნობლად გაზრდა მოსთხოვა.
"L'Équipe"-ზე დაყრდნობით, 28 წლის ფრანგი შემტევი, მოგებულ ჯილდოს კლუბთან ახალი კონტრაქტის მოლაპარაკებებში ბერკეტად იყენებს.
🚨 𝗕𝗥𝗘𝗔𝗞𝗜𝗡𝗚: After winning the Ballon d'Or, Ousmane Dembélé demands a salary increase.
— The Touchline | 𝐓 (@TouchlineX) October 15, 2025
He currently earns €18m gross per season, but conversations with PSG for a contract renewal have started.
— @lequipe pic.twitter.com/ECo1qUWIhd
დემბელე ამჟამად წელიწადში 18 მილიონ ევროს გამოიმუშავებს, ხოლო მისი ამჟამინდელი კონტრაქტი პსჟ-სთან 2028 წლის ზაფხულამდეა გათვლილი. მხარეები უკვე მოლაპარაკებებს აწარმოებენ კონტრაქტის შესაძლო გახანგრძლივებაზე - ფეხბურთელის წარმომადგენლები უფრო მაღალ ხელფასს ითხოვენ, რომელიც მისი, როგორც „ოქროს ბურთის“ მფლობელის სტატუსის შესაბამისი იქნება.
როგორც ცნობილი ხდება, პარიზული გრანდიც მზად არის, დემბელეს ხელფასი გაუზარდოს და იგი კლუბში კიდევ დიდი ხნით დაიტოვოს.
აქვე შეგახსენებთ, რომ დემბელე უკვე დიდი ხანია ტრავმირებულია და ჯერჯერობით უცნობია, თუ როდის დაუბრუნდება მოედანს.
სხვა სტატიები
