'კვარაცხელიას გოლიც გასაუქმებელი იყო' - ლიონი მსაჯობით უკმაყოფილოა

საფრანგეთის ჩემპიონატის ბოლო ტურში ლიონმა საკუთარ მოედანზე პსჟ მიიღო და 2:3 დამარცხდა. მატჩში თავისი პირველი გოლი გაიტანა ხვიჩა კვარაცხელიამაც (ლიგა 1-ში). პსჟ-მ შეხვედრა ჟოაუ ნევეშის ბოლო წუთზე გატანილი გოლით მოიგო. შეხვედრაში იყო მომენტები, სადაც ლიონის წარმომადგენლები უკმაყოფილო დარჩნენ (მსაჯის გადაწყვეტილებებით).

ლიონი გაბრაზებული იყო პსჟ-სთან მატჩში რამდენიმე მნიშვნელოვანი მომენტის გამო, რომელიც მათ წინააღმდეგ გადაწყდა. 27-ე წუთზე, ილია ზაბარნის მიერ საჯარიმოში ხელით თამაში დაუსჯელი დარჩა. მალევე, ხვიჩა კვარაცხელიას გოლიც არ გააუქმეს, მიუხედავად ვიტინიას მიერ ტანერ ტესმანზე უკნიდან აღებული ჯარიმისა (ლიონის შეფასებით). 93-ე წუთზე მსაჯმა მოედნიდან ტალიაფიკო გააძევა, VAR-მა გადაწყვეტილება ძალაში დატოვა, რამაც ასევე აღშფოთება გამოიწვია.

L'Equipe-თან ინტერვიუში, ლიგა 1-ის მსაჯთა ასოციაციის ხელმძღვანელმა, დელერუმ, მატჩისთვის დანიშნული მსაჯები დაიცვა და ახსნა, რომ მათი ძირითადი გადაწყვეტილებებს არგუმენტები არ აკლია.