კურტუას შემდეგ ედერ მილიტაოც - რეალის მცველმა ჯვარედინი მყესი გაიწყვიტა
მადრიდის "რეალის" ცენტრალურმა მცველმა, ედერ მილიტაომ ჯვარედინი მყესი გაიწყვიტა და შესაძლოა მთელი სეზონის გამოტოვება მოუწიოს.
"რეალისთვის" სამწუხარო ფაქტი ესპანეთის ლა ლიგის პირველი ტურის მატჩში მოხდა, რომელშიც დედაქალაქურმა კლუბმა ბილბაოს "ატლეტიკის" წინააღმდეგ სტუმრად - 2:0 იმარჯვა.
🚨 Official: Eder Militão has torn his ACL and he will be out for at least six months.
— Fabrizio Romano (@FabrizioRomano) August 13, 2023
Terrible news for Real Madrid after same
injury this week for Thibaut Courtois. pic.twitter.com/3dEH5cW9so
მეორე ტაიმის დასაწყისში, 49-ე წუთზე, ბრაზილიელმა ფეხბურთელმა ტრავმა მიიღო და მოედანი აცრემლებულმა დატოვა. როგორც მოგვიანებით ჩატარებული სამედიცინო გამოკვლევის შედეგად დადასტურდა, 25 წლის ფეხბურთელმა მძიმე ტრავმა მიიღო და შესაძლოა მოედანზე მხოლოდ ახლახანს დაწყებული სეზონის ბოლოს დაბრუნდეს. ფეხბურთელს ოპერაცია ჩაუტარდება და რეაბილიტაციისთვის სულ მცირე 6 თვე დასჭირდება.
მნიშვნელოვანია ის ფაქტიც, რომ აღნიშნული ტრავმა სულ ცოტა ხნის წინ გუნდის მეკარემ, ტიბო კურტუამაც მიიღო, რომლის მოედანზე დაბრუნების დროც ასევე 6 თვიდან 1 წლამდე პერიოდს მოიაზრებს.
სხვა სტატიები
