ხაბი ალონსო: "იამალის რეპლიკებს არ ვუპასუხებ"

ლა ლიგის მე-10 ტურში სეზონის პირველი ელ კლასიკო შედგება. 'სანტიაგო ბერნაბეუზე' რეალი ბარსელონას უმასპინძლებს. ხაბი ალონსომ არ უპასუხა ლამინე იამალის რეპლიკებს და ხაზი გაუსვა მატჩის მნიშვნელობას და იმას, რომ რეალმა პირველი ადგილი უნდა შეინარჩუნოს.

შეგახსენებთ, რომ ბარსელონას 18 წლის შემტევმა, რეალ მადრიდს მატყუარებისა და 'მტირალების' გუნდი უწოდა.

ალონსომ სეზონის პირველი კლასიკო უნდა გამოიყენოს, როგორც შანსი რეალ მადრიდისთვის, რათა დაიბრუნოს დომინირება დიდ მატჩებში - ხარისხი, რომელიც კითხვის ნიშნის ქვეშ დადგა კლუბების მსოფლიო ჩემპიონატის ნახევარფინალში (პსჟ-სთან) და ლა ლიგაში, ატლეტიკო მადრიდთან განცდილი მარცხის შემდეგ.

გასულ სეზონში, ბარსელონამ ზედიზედ ოთხჯერ დაამარცხა რეალი (3 ტურნირზე), მათ შორის ბერნაბეუზე 4:0 და სუპერთასის ფინალში 5:2 ანგარიშით.