კევინ-პრინც ბოატენგი სამწვრთნელო კარიერას იწყებს
Sky Info-ს მიერ გავრცელებული ინფორმაციის თანახმად, კევინ-პრინც ბოატენგს ახალი სამსახური აქვს. ყოფილი ფეხბურთელი საკუთარ ძალებს ამჯერად მწვრთნელის რანგში მოსინჯავს. ის ლუკაშ პოდოლსკისა და მატს ჰუმელსის მიერ შექმნილ Baller League-ში იმუშავებს. ბოატენგს მწვრთნელის რანგში პირველად 2024 წლის 8 იანვარს ვიხილავთ.
🆕 Kevin Prince Boateng, ready for new chapter after retiring - as he's expected to start in 2024 as new team manager in Mats Hummels' Baller League.
— Fabrizio Romano (@FabrizioRomano) December 13, 2023
His career will turn into new experience soon. pic.twitter.com/rEuiYcp96n
Baller League-ის თამაშები დახურულ სივრცეში ჩატარდება და 12 გუნდი გაარკვევს თუ ვინ არის მათ შორის საუკეთესო. შეხვედრების ტრანსლაციები Twitch-ის, YouTube-ის, Instagram-ის და ტელევიზიის საშუალებით გაშუქდება. ამ ლიგის შექმნის იდეა პიკეს წარმატებული პროექტიდან - Kings League-დან წამოვიდა, სადაც არაერთი ყოფილი ფეხბურთელი თამაშობს.
შეგახსენებთ, რომ კევინ-პრინც ბოატენგმა კარიერა ზაფხულში დაასრულა. ბოლო გუნდი, სადაც მან ითამაშა ბერლინის "ჰერტა" იყო.
სხვა სტატიები
