ისტორიული შედეგი | რობერტ ლევანდოვსკიმ ჩემპიონთა ლიგაზე მესის რეკორდი გაიმეორა

ჩემპიონთა ლიგის 2025-2026 წლების სეზონის ლიგის ფაზა დასრულდა და გაირკვა იმ გუნდების ვინაობა, რომლებიც ჩემპიონობისთვის იბრძოლებენ.

ჩემპიონთა ლიგის ჯგუფური ეტაპი მე-5 პოზიციაზე დაასრულა ბარსელონამ, რომელმაც ბოლო ტურში, 'ნოუ კამპზე' კოპენჰაგენი 4:1 დაამარცხა.

კატალონიელთა მხრიდან მატჩის პირველი და განმათანაბრებელი გოლი რობერტ ლევანდოვსკიმ გაიტანა, რომლისთვისაც ეს გოლი ისტორიული აღმოჩნდა და ჩემპიონთა ლიგაზე მესის რეკორდი გაიმეორა. კერძოდ - 37 წლის პოლონელი ფორვარდი ლეო მესისთან ერთად, ჩემპიონთა ლიგის ისტორიაში გახდა პირველი ფეხბურთელი, რომელმაც ამ ტურნირზე გოლი 40 სხვადასხვა გუნდს გაუტანა.

რობერტ ლევანდოვსკიმ ჩემპიონთა ლიგის ჯგუფური ეტაპზე 2 გოლი გაიტანა, ბარსელონამ კი ასპარეზობა მეხუთე პოზიციაზე 16 ქულით დაასრულა და ჩემპიონთა ლიგის 1/8-ფინალში მეტოქეს დაელოდება.