ისევ იმედგაცრუება - ბარსელონამ კამპ ნოუზე დაბრუნება გადადო

რამდენიმე კვირის წინ, ბარსელონას პრეზიდენტმა, ჟოან ლაპორტამ ოფიციალურად გვამცნო, რომ ბარსელონა კამპ ნოუზე 10 აგვისტოს დაბრუნდებოდა. რეკონსტრუქციის შემდეგ, რაც თითქმის 2 წელი გრძელდება, გამპერის თასის შეხვედრა (ბარსელონა/კომო) სწორედ ამ ლეგენდარულ სტადიონზე უნდა ჩატარებულიყო, თუმცა ვითარება კვლავ შეიცვალა. ბარსა აცხადებს, რომ გამპერის თასს კამპ ნოუზე ლიცენზირების პრობლემების გამო არ ჩაატარებს.

გავრცელდა ინფორმაცია, რომ კამპ ნოუს აბონემენტების გაყიდვა 10 აგვისტოს შემდეგ დაიწყება, როდესაც გაირკვევა, რამდენი აბონემენტი იქნება ხელმისაწვდომი გულშემატკივრებისთვის და რა ფასად.

კლუბი ვარაუდობს, რომ ლა ლიგაში ვალენსიასთან პირველი საშინაო მატჩისთვის (13 ან 14 სექტემბერი), კამპ ნოუს პირველ და მეორე იარუსზე 62 000 ადგილი იქნება ხელმისაწვდომი.