,,ირაოლამ ალისონი სკამზე უნდა დასვას, არსენალთან კარში მამარდა გვჭირდება'' - რას წერენ ლივერპულის ქომაგები მამარდაშვილზე

ინგლისის ლიგის თასის მერვედფინალში ლივერპულმა ჩელსი პენალტების სერიაში 6:5 დაამარცხა და მომდევნო ეტაპზე გავიდა.

მერსისაიდელთა ძირითად შემადგენლობაში ითამაშა გიორგი მამარდაშვილმა, რომელმაც მოედანზე 90 წუთი გაატარა. პენალტების სერიაში მამარდას კარის აღება ჩელსის 3-მა ფეხბურთელმა ვერ შეძლო - ბარკომ და ფოფანამ კარს ააცილეს, ემანუელ ემეგჰას დარტყმა კი ქართველმა მეკარემ მოიგერია, თანაც, ემეგჰას თერთმეტმეტრიანის გატანის შემთხვევაში, 1/4-ფინალში ჩელსი გადიოდა. მამარდაშვილს თამაშს სოციალურ ქსელებში დიდი გამოხმაურება მოჰყვა.

აი, რას წერენ გულშემატკივრები გიორგიზე:

• ირაოლამ ალისონი სკამზე უნდა დასვას, არსენალთან მატჩში მამარდაშვილი გვჭირდება;

• მამარდაშვილი დღეს საოცარი იყო;

• შესანიშნავი მეკარე ხარ, ბურთს ბრწყინვალედ ანაწილებ და შეგიძლია, პირველი ნომერი იყო;

• ახლა უკვე ყველაფერი უმაღლეს დონეზეა, ჩვენ გვჯეროდა შენი;

• ჩვენი მხსნელი;

• როდესაც ეს ბიჭი ლივერპულში მოვიდა, არ მომწონდა, მაგრამ ძალიან მოუმატა;

• მამაჩემი ერთი ნაბიჯში იყო იმისგან, რომ ჩემთვის ექიმი გამოეძახებინა... მადლობა, მეგობარო;

• ამიერიდან მამარდას ძირითად შემადგენლობაში სიამოვნებით ვნახავდი;

• მიეცით ამ კაცს მეტი სათამაშო დრო, გთხოვთ;

• გიორგი, რა შესანიშნავი გზაა ენფილდზე თავის წარმოსაჩენად - პენალტების სერიაში სრულიად ცივსისხლიანი იყავი. ეს მოგერიება არ დაგვავიწყდება;

• როცა საქმე პენალტებს ეხება, ეს ბიჭი ალისონზე უკეთესია.

ინგლისის ლიგის თასის 1/4-ფინალში ლივერპულის მეტოქე ბორნმუთი იქნება, მატჩი 14 დეკემბერსაა ჩანიშნული.