ირაკლი იეგოიანი ტურის საუკეთესო ფეხბურთელად დაასახელეს

ირაკლი იეგოიანი ნიდერლანდების ერედივიზიონის მე-5 ტურის საუკეთესო ფეხბურთელად დასახელდა, ქართველი შემტევი ნახევარმცველი საუკეთესოდ ნიდერლანდურმა გამოცემებმა Voetbal International-მა და De Telegraaf-მა დაასახელეს.

ირაკლი იეგოიანმა მიმდინარე სეზონი შესანიშნავად დაიწყო, მას ვილემ II-თან შესანიშნავი მატჩი გამოუვიდა, სადაც გოლიც გაიტანა და საგოლე გადაცემაც მიითვალა, საბოლოოდ მისმა გუნდმა სტუმრად 0:3 გაიმარჯვა.

ერედივიზიონში ეს მე-5 ტური იყო, მაგრამ ექსელსიორისთვის მე-4 მატჩი გახლდათ, ქართველ ფეხბურთელს გასულ 4 ტურში უკვე 2 გოლი და 3 საგოლე გადაცემა უფიქსირდება, იეგოიანის გუნდი ცხრილში 9 ქულით მე-5 პოზიციაზეა (3 გამარჯვება, 1 მარცხი).