ილქაი გიუნდოგანი პასუხისმგებლობას არაუხოს აკისრებს

"ბარსელონა" ჩემპიონთა ლიგას "პსჟ"-მა გამოთიშა, მიუხედავად იმისა, რომ საფრანგეთში მეოთხედფინალური ეტაპის პირველი მატჩი კატალონიელთა გამარჯვებით 2-3 დასრულდა. "მონჟუიკზეც" ანგარიში ბლაუგრამ, რაფინიას გოლით გახსნა, თუმცა რონალდ არაუხომ ბრედლი ბარკოლას წინააღმდეგ ბოლო იმედის ჯარიმა აიღო და წითელი ბარათი დაიმსახურა. მატჩის მიმდინარეობა მთლიანად შეცვალა და ამის შემდეგ პსჟ-მა ბარსელონას 4 გოლი გაუტანა. ბარსელონას სამწვრთნელო შტაბი და ხავი გაცხარებული იყო მსაჯის გადაწყვეტილებების გამო და გუნდის კოლაფსში არბიტრს ადანაშაულებდნენ, თუმცა ილქაი გიუნდოგანმა ძირითადად საკუთარი გუნდელები გააკრიტიკა.

ორი მატჩის ჯამში ბარსელონა 6:4 დამარცხდა. შინ ჩატარებულ შეხვედრაში ბარსას არაუხოს გარდა მთავარი მწვრთნელი, ხავი და სამწვრთნელო შტაბის კიდევ ერთი წევრი გაუძევეს მოედნიდან. მატჩის საუკეთესო ფეხბურთელი უსმან დემბელე გახდა, რომელმაც გოლი პარიზშიც გაიტანა და ბარსელონაშიც. პსჟ ნახევარფინალში "დორტმუნდს" შეხვდება, რომელმაც თავის მხრივ, საკუთარ მოედანზე, "ატლეტიკოს" დაუქამბექა.