ილია თოფურია: "არსებობს მომენტები, როცა სული ორად იყოფა"

UFC-ის ორი ქამრის მფლობელმა, ილია თოფურიამ, სოციალურ ქსელში პოსტი გამოაქვეყნა, რომელსაც თან ესპანეთისა და საქართველოს საფეხბურთო ნაკრებებთან გადაღებულ ფოტოებს ურთავს. ილია გუშინ მსოფლიო ჩემპიონატის საკვალიფიკაციო თამაშს დაესწრო (ეპანეთსა და საქართველოს შორის), იქამდე კი, ორივე გუნდი შეკრებაზე მოინახულა და მათ წარმატებები უსურვა.

სამწუხაროდ, ელჩეში გამართულ შეხვედრაში, საქართველოს ნაკრები ესპანეთთან დამარცხდა (2:0). ჩვენს გუნდს უპრინციპულესი შეხვედრა 14 ოქტომბერს, სტუმრად, თურქეთის ნაკრებთან ელოდება.