იბრაჰიმოვიჩი ლუკაკუსთან კონფლიქტის შემდეგ: "ზლატანის სამყაროში რასიზმის ადგილი არ არის"

კოპა იტალიას მეოთხედფინალში, სადაც "დერბი დელა მადონინა" შედგა, "ინტერმა" "მილანს" - 2:1 აჯობა. მატჩის მიმდინარეობისას, ერთმანეთს ყოფილი თანაგუნდლეები, რომელუ ლუკაკუ და ზლატან იბრაჰიმოვიჩი დაუპირისპირდნენ. "მანჩესტერ იუნაიტედის" ყოფილმა თავდამსხმელებმა ერთმაენთის ოჯახის წევრების მისამართით შეურაცხმყოფელი სიტყვები არ დაიშურეს. ინციდენტის შემდეგ, რომელმაც მთელი მსოფლიოს საფეხბურთო საზოგადოება მოიცვა, შვედმა ფორვარდმა სოციალურ ქსელში რასიზმის საწინააღმდეგო პოსტი განათავსა. "ზლატანის სამყაროში რასიზმის ადგილი არ არის. ჩვენ ყველა ერთი და იგივე რასის ვართ, ყველანი თანასწორები ვართ! ჩვენ ყველანი ფეხბურთელები ვართ - ვიღაც უბრალოდ სხვებზე უკეთესია", - წერს 39 წლის ფეხბურთელი Twitter-ში.

In ZLATAN’s world there is no place for RACISM. We are all the same race - we are all equal !! We are all PLAYERS some better then others.https://t.co/DhguHUOFte — Zlatan Ibrahimović (@Ibra_official) January 27, 2021

Zlatan... racist? 🤨 He loves me too much so he's the last person I'd think of as racist! Come on, don't joke with that one! 🤣 — Paul Pogba (@paulpogba) January 27, 2021