ჰანსი ფლიკის პასუხი მათ, ვინც ბარსელონას აკადემიიდან 'გარბის'

ბარსელონას აკადემიას, 'ლა მასიას', ახალგაზრდა ფეხბურთელმა, დრო ფერნანდესმა ტრანსფერის მოთხოვნით მიმართა. ფერნანდესს იანვრის სატრანსფერო ფანჯრის დროს კლუბის დატოვება სურს. 18 წლის შემტევი ნახევარმცველი აპირებს გაააქტიუროს კონტრაქტში არსებული 6 მილიონი ევროს ღირებულების შეწყვეტის პუნქტი, რათა სხვაგან უფრო სტაბილური თამაშის შესაძლებლობა მიიღოს. გავრცელებული ცნობით, ფერნანდესმა საკუთარი გამოსასყიდი პუნქტი გადაიხადა, რამაც ფლიკი გააბრაზა.

დრო ფერნანდესმა, პირველი გუნდის შემადგენლობაში, უკვე მოასწრო 4 მატჩის ჩატარება. ის ესპანეთის ყველა ასაკობრივი ნაკრების წევრია და მის მდგომარეობას შესანიშნავად იყენებს პსჟ - როგორც ცნობილია, პარიზელებმა სიტყვიერ შეთანხმებას მიაღწიეს ფერნანდესთან და სულ მალე, ესპანელს კვარაცხელიას გუნდელად ვიხილავთ.