გვარდიოლა: ,,ისეთი შეგრძნება მაქვს, რომ ლივერპულის მე უფრო მჯერა, ვიდრე - კლოპს''
,,ლივერპულის'' მთავარმა მწვრთნელმა, იურგენ კლოპმა, რამდენიმე დღის წინ განაცხადა, რომ მისი გუნდი პრემიერლიგის საჩემპიონო რბოლას ჩამოშორდა. გერმანელი სპეციალისტის აზრს პეპ გვარდიოლა არ ეთანხმება:
,,ისეთი შეგრძნება მაქვს, რომ ,,ლივერპულის'' მე უფრო მჯერა, ვიდრე მის მწვრთნელს. ჯერ მხოლოდ ათი ტურია გასული, წინ მსოფლიო ჩემპიონატია, უამრავი მატჩი, ევროტურნირები, ტრავმები...
უკვე ვთქვი, რომ 6-7 ტური რომ იყოს დარჩენილი, მაშინ ეს სიმართლე იქნებოდა, მაგრამ ჯერ მხოლოდ 10 შეხვედრა ჩავატარეთ, შეიძლება, მილიარდი რამ შეიცვალოს,'' - გვარდიოლას სიტყვებს The Telegraph-ი ციტირებს.
პრემიერლიგის 10 ტურის შემდეგ, ,,ლივერპული'' 16 ქულით სატურნირო ცხრილის მე-7 პოზიციაზეა და ლიდერ ,,არსენალს'' 11 ქულით ჩამორჩება. ,,მანჩესტერ სიტი'' კი 23 ქულით მეორე ადგილს იკავებს.
კლოპის გუნდი დღეს ,,ნოტინგემ ფორესტს'' ესტუმრება. მატჩი 15:30 საათზე დაიწყება.
🗣 "It looks like I believe more in his Liverpool team than Jurgen Klopp."
— Football Daily (@footballdaily) October 22, 2022
Pep Guardiola's reaction to Jurgen Klopp saying Liverpool can't compete with Man City pic.twitter.com/rRBXyMNkM3