გულიტი ლამინე იამალს: "მოკეტე და ფეხბურთი ითამაშე, ასე უფრო მაგარი იქნები"

ლეგენდარულმა ნიდერლანდელმა ფეხბურთელმა - რუდ გულიტმა, სეზონის პირველი 'ელ კლასიკოს' შემდეგ, ლამინე იამალზე ისაუბრა და აღნიშნა, რომ ის ესპანელის დიდი და პირველი გულშემატკივარია, თუმცა რაღაცები არ მოსწონს, რაც აუცილებლად უნდა შეიცვალოს იმისათვის, რომ იამალი უკეთეს ფეხბურთელად ჩამოყალიბდეს.

რუდ გულიტი ლეგენდარული ნიდერლანდების ნაკრების ერთ-ერთი მთავარი ვარსკვლავი იყო. მან წლების განმავლობაში: სამპდორიაში, ჩელსიში, პსვ-ში, ჰარლემში, ფეინოორდსა და მილანში ითამაშა, ნიდერლანდების ეროვნულ ნაკრებში კი 66 მატჩი აქვს ჩატარებული, რა პერიოდშიც 17 გოლის გატანა შეძლო.

საფეხბურთო კარიერის დასრულების შემდეგ, გულიტი 1996-1998 წლებში ჩელსის მთავარი მწვრთნელი იყო.

რუდ გულიტი 1987 წლის ოქროს ბურთის გამარჯვებულია, 1988 წელს კი ოქროს ბურთის დაჯილდოებაზე მეორე პოზიცია დაიკავა.