გოლი საჩემპიონო მატჩში | რა შეფასება დაიმსახურა კვარაცხელიამ ლანსთან შეხვედრაში?

პარი სენ ჟერმენმა ლიგა 1-ის გამოტოვებულ, 29-ე ტურის შეხვედრაში, უშუალო კონკურენტი, ლანსი 2:0 დაამარცხა და საფრანგეთის ჩემპიონი მეთოთხმეტედ გახდა (ზედიზედ მეხუთედ).

პსჟ-ს ძირითად შემადგენლობაში ითამაშა ხვიჩა კვარაცხელიამ, რომელმაც მატჩში თავი გოლით გამოიჩინა.

სხვადასხვა ვებგვერდმა ქართველი შემტევის თამაში ასე შეაფასა:

• Whoscored - 6,9

• Sofascore - 7,1

• Flashscore - 6,1

ხვიჩამ, რომელიც ბურთს სულ 45-ჯერ შეეხო, კარში ერთხელ დაარტყა, 12-დან 2 დუელი მოიგო და 30-დან 28 ზუსტი გადაცემა გააკეთა (93%).

პსჟ ლიგა 1-ის დასკვნითი ტურის მატჩს კვირას, 17 მაისს, პარიზთან სტუმრად გამართავს.