პსჟ-ს ტიტულის დაცვა არ გამოუვიდა - ლანსი სუპერთასის გამარჯვებულია!

საფრანგეთის სუპერთასის ფინალი, რომელსაც ლანსი მასპინძლობდა, ადგილობრივი გუნდის გამარჯვებით დასრულდა.

ლანსმა ისტორიაში პირველად მოიგო ეს ტიტული - რეკორდსმენი პსჟ კი, რომელსაც თასი 14-ჯერ აქვს მოგებული, ამჯერად ტიტულის გარეშე დარჩა.

აღსანიშნავია, რომ 2013 წლიდან მოყოლებული, პარიზული გრანდი ყველა ფინალის მონაწილე იყო და მხოლოდ მეორედ დამარცხდა (14 შესაძლებლობიდან 12-ჯერ მოიგო - წააგო 2021-ში ლილთან 1:0 და ახლა ლანსთან, ასევე 1:0).

მატჩის ერთადერთი გოლი ფლორიან ტოვენმა, 32-ე წუთზე გაიტანა - მსაჯმა მასპინძელთა ფეხბურთელი, კილიან ანტონიო 39-ზე გააძევა და ამის შემდეგ, ლანსი 10 კაცით იცავდა თავს. მოედანზე რაოდენობა 87-ე წუთზე გათანაბრდა, როცა წითელი ნუნო მენდეშმაც მიიღო.

ხვიჩა კვარაცხელიამ ძირითად შემადგენლობაში დაიწყო და ლუის ენრიკემ ის 70-ე წუთზე შეცვალა.