"გიორგი წიტაიშვილის მიმართ ინტერესს არაერთი კარგი გუნდი იჩენს" - Footmercato

ქართველი ფეხბურთელი გიორგი წიტაიშვილი, რომელიც ამჟამად უგუნდოდაა დიდი ალბათობით კვლავ ევროპის TOP 5 ლიგაში იასპარეზებს. Footmercato-ს ინფორმაციით 25 წლის შემტევის დამატებით რამდენიმე გუნდის ინტერესი უკვე გამოიკვეთა.

წყაროს ცნობით, საფრანგეთის ლიგა 1-ის გუნდი ლორიენი დიდი ინტერესით აკვირდება წიტაიშვილს და მას დაუკავშირდა კიდეც, მაგრამ სწრაფად მოქმედება მოუწევთ, რადგან გიორგის მიმართ დიდი კონკურენციაა. ქართველის მიმართ ასევე დიდ ინტერესს იჩენენ გერმანიის ბუნდესლიგის ფრაიბურგი და ნიდერლანდური ერედივიზიონის პსვ ეინდჰოვენი.

შეგახსენებთ, რომ გიორგი წიტაშვილი გასულ სეზონში ფრანგულ მეცში ასპარეზობდა, რომელიც ლიგა 1-დან გავარდა, ამჟამად კი ქართველი ფეხბურთელი უგუნდოდაა.

დაინტერესებულ გუნდებს რაც შეეხება, ლორიენი გასულ სეზონში ლიგა 1-ში მე-10 ადგილზე გავიდა, ფრაიბურგმა ევროპა ლიგის ფინალი ითამაშა და ასტონ ვილასთან დამარცხდა, შიდა ჩემპიონატში კი მე-7 პოზიცია დაიკავა და მომდევნო სეზონში კონფერენს ლიგაზე იასპარეზებს. რაც შეეხება პსვ ეინდჰოვენს, მათ ნიდერლანდების ჩემპიონობა იზეიმებს და ისინი ჩემპიონთა ლიგაზე იასპარეზებენ.