გიორგი მიქაუტაძის შეფასება ლილის წინააღმდეგ

საფრანგეთის ლიგა 1-ის 31-ე ტურის შეხვედრაში "მეცი" საკუთარ მოედანზე "ლილთან" 1:2 დამარცხდა. ერთადერთი გოლი თავის გუნდში გიორგი მიქაუტაძემ პენალტის ნიშნულიდან გაიტანა.

ქართველმა ფეხბურთელმა შეხვედრაში შეუცვლელად ითამაშა, Sofascore-ს მიხედვით მან 6.7 შეფასება დაიმსახურა, ჟორჟმა ერთხელ კარში დაარტყა, რომელიც საბოლოოდ გოლით დასრულდა, ასევე ერთხელ კარისკენ დაარტყა. გიორგი მიქაუტაძეს 2 დრიბლინგის მცდელობა ჰქონდა და წარმატებით არცერთი არ დასრულდა, ბურთს 30-ჯერ შეეხო, 19 გადაცემა შეასრულა და ზუსტი 14 იყო (74%), 8 ორთაბრძოლიდან 4-ში გამარჯვებული დარჩა.

Whoscored-მა ქართველი ფორვარდი 6.6-ით შეაფასა.

"მეცს" 31 ტურის შემდეგ 29 ქულა აქვს და მე-16 ადგილზეა (ამ შედეგით ლიგა 1-ში დარჩენისთვის პლეი ოფში იბრძოლებენ), 29 ქულა აქვს ასევე მე-15 ადგილზე მყოფ "ლე ავრს", რომელიც "მეცს" გატანილი და გაშვებული ბურთების უკეთესი თანაფარდობით უსწრებს.

გიორგი მიქაუტაძეს მიმდინარე სეზონში უკვე 11 გოლი და 3 საგოლე გადაცემა აქვს და საუკეთესო ბომბარდირებში მე-5 ადგილზეა.