გიორგი მამარდაშვილის შეფასება ბარნსლისთან მატჩში

ინგლისის ასოციაციის თასის 1/32-ფინალური ეტაპის შეხვედრაში ლივერპულმა ბარნსლის უმასპინძლა და 4:1 დაამარცხა.

მერსისაიდელთა ძირითად შემადგენლობაში ითამაშა გიორგი მამარდაშვილმა, რომელმაც მოედანზე 90 წუთი გაატარა და SofaScore-სგან 6.5-ქულიანი შეფასება მიიღო.

მამარდაშვილმა მეტოქის დარტყმა ორჯერ მოიგერია, ბურთს სულ 26-ჯერ შეეხო და 22-დან 19 (86%) ზუსტი გადაცემა გააკეთა.

6,8 ქულით შეაფასა გიორგის თამაში Flashscore-მა, 6,3-ით კი - Whoscored-მა.

ლივერპული მომდევნო მატჩს შაბათს, 17 იანვარს, პრემიერლიგაში, ბარნლის წინააღმდეგ გამართავს.

• არნე სლოტის გუნდი ასოციაციის თასის 1/16-ფინალში გავიდა, სადაც ბრაიტონს დაუპირისპირდება.