გიორგი მამარდაშვილი ატლეტიკოს უნდა

"ვალენსიას" უახლეს ისტორიაში ერთ-ერთი ბოლო დიდი შენაძენი გიორგი მამარდაშვილია. ქართული ფეხბურთიდან მილიონ ევროდ ჩასვლის შემდეგ, მეკარე გუნდის აღორძინების ფუნდამენტურ ფიგურად ჩამოყალიბდა. ამ სეზონში, რომელშიც რუბენ ბარახას ფეხბურთელები კვლავ იბრძვიან ევროთასების საგზურისთვის, ლიგაში კარი მშრალად 12-ჯერ შეინახეს. ქართველი მეკარის შესანიშნავი თამაში დიდი გრანდების ყურადღების გარეშე არ რჩება.

ვალენსია უკვე ეძებს ალტერნატივებს სატრანსფერო ბაზარზე. სტოლე დიმიტრიევსკი, რომელსაც კონტრაქტი "რაიო ვალეკანოსთან" უმთავრდება, საკმაოდ კარგი ვარიანტია, თუმცა კონკურენციაში "სევილია" და საუდის არაბეთის კლუბები არიან.

მამარდაშვილის ახალი თაყვანისმცემელი
გიორგი მამარდაშვილი კარგმა თამაშმა ისეთი კლუბების დღის წესრიგში მოაქცია, როგორიცაა მადრიდის "რეალი", "ნიუკასლი" და "მანჩესტერ იუნაიტედი". თუმცა, სცენაზე ახალი და ძლიერი კონკურენტი ჩნდება. Diario AS-ის ცნობით, მადრიდის "ატლეტიკო" ქართველის ყიდვას გეგმავს, მაგრამ მხოლოდ იან ობლაკის გაყიდვის შემთხვევაში.

მადრიდის ატლეტიკოში, სადაც მშვენივრად იციან, რომ ვალენსიას ლიდერის გაყიდვის საჭიროება უდგას, გეგმავენ, რომ მამარდაშვილი ოცდახუთი მილიონი ევროს სანაცვლოდ შეიძინონ.