გიორგი ჩაკვეტაძის შეფასება პორტსმუთთან მატჩში

ჩემპიონშიფის 28-ე ტურში უოტფორდმა პორტსმუთს უმასპინძლა, მატჩი ფრედ, ანგარიშით 1:1 დასრულდა.

უოტფორდის ძირითად შემადგენლობაში ითამაშა გიორგი ჩაკვეტაძემ, რომელიც მოედნიდან პირველი ტაიმის დასრულების შემდეგ გაიყვანეს.

ქართველმა ფეხბურთელმა Sofascore-სგან 6.7-ქულიანი შეფასება დაიმსახურა. ჩაკვეტაძე ბურთს სულ 22-ჯერ შეეხო, კარისკენ ერთხელ დაარტყა, 15-დან 13 ზუსტი გადაცემა (87%) გააკეთა და 3-დან 1 დუელი მოიგო.

6.5 ქულით შეაფასა გიორგის თამაში Whoscored-მა, 7.1-ით კი - Flashscore-მა.

27 მატჩის შემდეგ, უოტფორდს 42 ქულა აქვს და სატურნირო ცხრილის მე-7 პოზიციაზეა. ჩაკვეტაძის გუნდი მომავალ შეხვედრას 24 იანვარს, ბლექბერნის წინააღმდეგ გამართავს.