ფერნანდინიომ საფეხბურთო კარიერის დასრულება გადაწყვიტა

ოფიციალურად, ბრაზილიის ეროვნული ნაკრებისა და მანჩესტერ სიტის ყოფილმა ფეხბურთელმა ფერნანდინიომ კარიერა დაასრულა. 40 წლის ნახევარმცველმა დღეს საქველმოქმედო მატჩში მიიღო მონაწილეობა და შეხვედრის დასრულების შემდეგ კარიერის დასრულების შესახებ ინფორმაცია Globo Esporte-თან გააჟღერა.

ფერნანდინიომ კარიერა 2002 წელს ატლეტიკო პარანაენსეში დაიწყო, შემდეგ იასპარეზა დონეცკის შახტარში, მანჩესტერ სიტიში და ბოლოს კვლავ თავისი ბავშვობის კლუბში დაბრუნდა.

კარიერის განმავლობაში ბრაზილიელმა ეროვნულ ნაკრებთან ერთად კოპა ამერიკა მოიგო, მანჩესტერ სიტისთან ერთად 5-ჯერ გახდა პრემიერ ლიგის გამარჯვებული, 6-ჯერ ინგლისის ლიგის თასი მოიგო, თითო-თითოჯერ კი FA თასსა და ინგლისის სუპერ თასს დაეუფლა. შახტარში ასპარეზობის პერიოდში ერთხელ ევროპა ლიგის გამარჯვებული გახდა, 6-ჯერ იზეიმა უკრაინის ჩემპიონობა, 4-ჯერ უკრაინის თასი მოიგო, ხოლო 3-ჯერ უკრაინის სუპერთასი.