ფელიპე მელო: "ცალფეხა ნეიმარი, ამ ფორმაციის ბრაზილიის ნაკრებშიც საუკეთესო ფეხბურთელია"

ბრაზილიის ეროვნული ნაკრების ყოფილი წევრი, 42 წლის - ფელიპე მელო, ნეიმარის ბრაზილიის ნაკრებში არ გამოძახებასა და მსოფლიო ჩემპიონატის მიღმა, მის შესაძლო დატოვებაზე ისაუბრა.

ვეტერანი ბრაზილიელი, სოციალურ ქსელში ყველა იმ ადამიანს 'დაემუქრა', ვინც ნეიმარზე ცუდად საუბრობს და იძახიან, რომ ის 2026 წლის მუნდიალზე ბრაზილიის ნაკრებში არ უნდა იყოს.

ბრაზილიის ნაკრებმა 27 მარტს საფრანგეთთან ითამაშა და 10-კაციან ფრანგებთან თამაში ძალიან გაუჭირდათ. ბრაზილიელ გულშემატკივრებში კარლო ანჩელოტისა და თითოეული ფეხბურთელის მიმართ არაერთი უკმაყოფილება გამოითქვა, სათამაშო სტილსა და ხარისხთან დაკავშირებით.

'სელესაო' 31 მარტს მეორე ამხანაგურ მატჩს ხორვატიასთან გამართავს.