ესპანური მედია: ბარსელონა ლისანდრო მარტინესს იანვარშივე გაიფორმებს
ბარსელონა მანჩესტერ იუნაიტედის არგენტინელი ცენტრალური მცველის - ლისანდრო მარტინესის გაფორმებას იანვრის სატრანსფერო ფანჯრის დროს გეგმავს და ამისთვის სპეციფიკურ ფინანსურ სქემაზე მუშაობს.
კლუბში არსებული სახელფასო ლიმიტების გათვალისწინებით, „ბლაუგრანა“ 28 წლის მცველს კონტრაქტს დაბალი საწყისი ანაზღაურებით შესთავაზებს. გეგმის მიხედვით, მიმდინარე სეზონის ბოლომდე მარტინესის ხელფასი შედარებით დაბალ ნიშნულზე შენარჩუნდება, ხოლო მომდევნო სეზონებიდან კლუბი მას ამ დანაკლისს გაზრდილი გადასახადებითა და ბონუსებით სრულად აუნაზღაურებს.
🚨 MORE: Barcelona could offer Lisandro Martínez a contract with a LOWER initial salary to facilitate his arrival in January.
— Barça Universal (@BarcaUniversal) November 6, 2026
The idea would be to keep his wages relatively low for the remainder of the current campaign before compensating him with higher payments in subsequent… pic.twitter.com/AL35ZSVOoK
ბარსელონასთვის დაცვის ხაზის გაძლიერება ზამთარში პრიორიტეტული ამოცანაა, თუმცა ფინანსური ფეარ-პლეის შეზღუდვები კატალონიელებს მოქნილი სტრატეგიის გამოყენებას აიძულებს. არგენტინელი მცველი თავისი აგრესიული სათამაშო სტილით, პასის მაღალი კულტურითა და პოზიციური ინტელექტით იდეალურად ჯდება გუნდის ტაქტიკურ მონახაზში. ამასთან, ტრანსფერის წარმატებით დასრულებაში მნიშვნელოვან როლს შესაძლოა ბარსელონას ლეგენდისა და ლისანდროს ეროვნული ნაკრების კაპიტნის - ლიონელ მესის ფაქტორმაც ითამაშოს.
არგენტინელების მჭიდრო კავშირი და მესის ავტორიტეტი ლისანდროსთვის დამატებითი მოტივაციაა, მიჰყვეს ლეგენდარული თანამემამულის კვალს და კარიერა „კამპ ნოუზე“ გააგრძელოს. თითქმის გადაწყვეტილია, რომ თუ მხარეები ხელფასის გადავადების ამ ფორმულაზე საბოლოოდ შეთანხმდებიან, მარტინესის ტრანსფერი იანვრის სატრანსფერო ფანჯრის ერთ-ერთი მთავარი მოვლენა გახდება.
სხვა სტატიები
