,,ესპანეთი არ გამოცხადდა, არგენტინა ფინალისიმას ორგზის ჩემპიონია!'' - კონმებოლის პრეზიდენტი

სამხრეთ ამერიკის ფეხბურთის კონფედერაციის (CONMEBOL) პრეზიდენტმა, ალეხანდრო დომინგესმა, განაცხადა, რომ ფინალისიმას სათამაშოდ არგენტინის ეროვნული ნაკრები მზად იყო, ესპანეთის კი - არა.

ევროპისა და სამხრეთ ამერიკის ჩემპიონებს შორის შეხვედრა, რომელიც 27 მარტს კატარში უნდა გამართულიყო, ახლო აღმოსავლეთში არსებული კონფლიქტის გამო გაუქმდა. უეფა აცხადებს, რომ მათ არგენტინის ფეხბურთის ასოციაციას (AFA) რამდენიმე ვარიანტი შესთავაზეს, მათ შორის მატჩის გამართვა მადრიდში. უეფას მტკიცებით, არგენტინამ ყველა ეს წინადადება უარყო.

ესპანური მხარე განმარტავს, რომ არგენტინამ, მოულოდნელად, თამაშის გადატანა 31 მარტისთვის მოითხოვა, რაც ესპანეთისთვის შეუძლებელი აღმოჩნდა, რადგან მათ თვის ბოლოს ამხანაგური შეხვედრა ჰქონდათ ჩანიშნული.