ესპანელი მსაჯი: ,,არაუხომ ბარკოლას უბრალოდ ხელი დაადო, ჯარიმა არ ყოფილა''
2 კვირის წინ
ფეხბურთი
1 წთ
,,ბარსელონასა'' და ,,პარი სენ ჟერმენის'' მატჩში რონალდ არაუხოს გაძევების ეპიზოდი ყოფილმა ესპანელმა მსაჯებმა, პაველ ფერნანდესმა და იტურალდე გონსალესმა შეაფასეს:
პაველ ფერნანდესი - ,,თუ მსაჯმა ჯარიმა დააფიქსირა, არაუხო უნდა გაეძევებინა, რადგან ეს ბოლო იმედის ჯარიმა იყო. საკითხავია - იყო დარღვევა? ურუგვაელმა ბარკოლას უბრალოდ მხარზე ხელი დაადო და ამან წააქცია? ჩემი აზრით, არა!''
იტურალდე გონსალესი - ,,ამ ეპიზოდში არაუხო მეტოქეს მხარზე ხელს ადებს ის კი ეცემა. ვფიქრობ, აქ ჯარიმა არ ყოფილა. თუ მსაჯმა დარღვევა დაინახა, მაშინ წითელი ბარათი ეჭვგარეშეა.'' -
ჩემპიონთა ლიგის მეოთხედფინალური ეტაპის საპასუხო მატჩში ,,ბარსელონა'' ,,პარი სენ ჟერმენთან'' 1:4 დამარცხდა და ტურნირს გამოეთიშა. არაუხო მოედნიდან 29-ე წუთზე გააძევეს, როცა კატალონიელები 1:0-ს იგებდნენ.
პარიზული გუნდის მეტოქე ნახევარფინალში დორტმუნდი იქნება, რომელმაც დღეს ,,ატლეტიკოს'' მოუგო.
¡Expulsado Araujo por derribo a Barcola!
— Pável Fernández (@PavelFdez) April 16, 2024
Si Kovacs pita la falta lo tiene que expulsar, es el último hombre. La duda es, ¿era falta? El uruguayo solo le pone el brazo en el hombro, ¿ese es el motivo del derribo? Para mí no.#BarcaPsg #ChampionsLeague @RadioMARCA pic.twitter.com/LyiOUPTjCr
სხვა სტატიები
