,,ეს გარიგება ახლა საშინლად არაგონივრულად გამოიყურება'' - Goal.com მამარდაშვილის ლივერპულში გადასვლაზე

1 დღის წინ ფეხბურთი

1 წთ

,,ლივერპულში იცოდნენ, რომ ტრავმებისკენ სულ უფრო მეტად მიდრეკილი ალისონ ბეკერი ენფილდზე თავისი კარიერის დასასრულს უახლოვდებოდა, ამიტომ 2024 წლის ზაფხულში მათ შემცვლელის გეგმა მოამზადეს: ვალენსიასთან შეათანხმეს გიორგი მამარდაშვილის ტრანსფერი, რომლის მიხედვითაც ქართველი ლივერპულში ერთი წლის შემდეგ გადავიდოდა. ამის შედეგად, წითლებმა გადაწყვიტეს, თავიანთ სრულიად სამართლიანად გაღიზიანებული მეორე ნომრისთვის, კაომინ კელეჰერისთვის, ბრენტფორდში გადასვლის უფლება მიეცათ.

ლივერპულის საუბედუროდ, რომელიც წინასწარ ცდილობდა ყველაფრის გათვლას, ორივე ეს გარიგება ახლა საშინლად არაგონივრულად გამოიყურება. მაშინ როცა კელეჰერმა, გადამწყვეტი როლი ითამაშა იმაში, რომ ბრენტფორდმა გასულ სეზონში პრემიერლიგაში მოულოდნელად მე-9 ადგილი დაიკავა, მამარდაშვილი პირველი 20 მატჩის უმეტესობაში თავდაჯერებულად ნამდვილად არ გამოიყურებოდა.

რა თქმა უნდა, 25 წლის მეკარეს საქმეს საერთოდ არ უმარტივებდა მის წინ მდგარი დაცვის სავალალო ხაზი, თუმცა მის თამაშში ნერვიულობა მუდმივად იგრძნობოდა, განსაკუთრებით მაშინ, როცა ბურთი ფეხთან ჰქონდა.

აქედან გამომდინარე, სულაც არ არის გასაკვირი, რომ გავრცელებული ინფორმაციით, ლივერპული აღარ აპირებს ალისონს იუვენტუსში გადასვლის უფლება მისცეს. ამბობენ, რომ ბრაზილიელი კვლავინდებურად ტურინში გადაბარგებაზეა ორიენტირებული, თუმცა ირაოლამ ყველაფერი უნდა გააკეთოს, რათა ალისონი ენფილდზე კიდევ ერთი წლით დარჩენაში დაარწმუნოს. მას შეიძლება აღარ შესწევდეს ძალა, სეზონში 50 მატჩი ითამაშოს, მაგრამ, აშკარაა, რომ ლივერპულს მამარდაშვილზე უფრო შესაფერისი მემკვიდრის მოსაძებნად მეტი დრო სჭირდება. - წერს Gaol

თაზო ერისთავი

სხვა სტატიები

ერთი და იგივე აკადემიიდან პრემიერ ლიგის მთავარ მწვრთნელობამდე

ზაალ ჩიხლაძე

2 დღის წინ ფეხბურთი

თუ პერესი რეალის პრეზიდენტად დარჩება, კონატე რეალში გადავა

რომა დევიძე

3 დღის წინ ფეხბურთი