ერლინგ ჰოლანდი: "ინგლისს და რეალს გაუმართლათ, რომ ბელინგემი ჰყავთ"

ინგლისის ნაკრები მსოფლიო ჩემპიონატის ნახევარფინალშია. „სამმა ლომმა“ უმძიმეს 1/4-ფინალურ დრამაში, დამატებით დროში მოახერხა ნორვეგიის ბარიერის დაძლევა. მატჩის ძირითადი დრო ფრედ, 1:1 დასრულდა, გადამწყვეტ მომენტში კი ლიდერის თვისებები კიდევ ერთხელ გამოავლინა ჯუდ ბელინგემმა - მისმა დუბლმა ინგლისელებს უმნიშვნელოვანესი გამარჯვება მოუტანა.

თავის მხრივ, ბრწყინვალე მუნდიალი ჩაატარეს ნორვეგიელებმა და დიდხნიანი პაუზის შემდეგ მუნდიალზე დაბრუნება 1/4-ფინალში გასვლით დაასრულეს.

მატჩის დასრულების შემდეგ, ერლინგ ჰოლანდმა ჯუდ ბელინგემზე ისაუბრა და აღნიშნა, რომ ის მსოფლიოს ერთ-ერთი ყველაზე კარგი ფეხბურთელია.

ერლინგ ჰოლანდმა თავისი სადებიუტო მუნდიალი 7 გატანილი გოლით დაასრულა.

ჯუდ ბელინგემი საოცარ მუნდიალს ატარებს - 23 წლის ინგლისელს მიმდინარე მსოფლიო ჩემპიონატზე უკვე 6 გოლი აქვს გატანილი და ამ ყველაფერს 1 საგოლე გადაცემაც დაამატა.

ინგლისელები მსოფლიო ჩემპიონატის 1/2-ფინალში გავიდნენ, სადაც მათი მეტოქე, არგენტინასა და შვეიცარიის დაპირისპირებაში გამარჯვებული იქნება.