დონარუმა: "გვარდიოლა იყოს შენი მწვრთნელი, ეს არის ის, რასაც ყველა ფეხბურთელი ოცნებობს"

იტალიის ეროვნული ნაკრების 26 წლის მეკარე - ჯანლუიჯი დონარუმა, მანჩესტერ სიტიში ოფიციალურად წარადგინეს. მან მანჩესტერულ კლუბთან კონტრაქტს 2030 წლის ჩათვლით მოაწერა და მისი დებიუტი 14 სექტემბერს, მანჩესტერულ დერბიში შედგება.

ევროპის ჩემპიონმა სიტიში მოსვლის შემდეგ პირველი პრესკონდერენცია გამართა, სადაც მის ახალ კლუბსა და პეპ გვარდიოლას შესახებ ბევრი ისაუბრა.

შეგახსენებთ, რომ ჯანლუიჯი დონარუმა სიტიში პსჟ-დან გადავიდა. მან საკუთარი 4-წლიანი პარიზული კარიერა ტრიუმფით დაასრულა, სადაც 4-ჯერ საფრანგეთის ჩემპიონი გახდა, 3-ჯერ მოიგო საფრანგეთის სუპერ თასი, 2-ჯერ საფრანგეთის თასი, ჩემპიონთა ლიგა და 2-ჯერ გახდა სეზონის საუკეთესო მეკარე.