დავითაშვილმა პენალტი ვერ გაიტანა - სენტ-ეტიენმა მნიშვნელოვანი ქულები დაკარგა
საფრანგეთის ლიგა 2-ის 29-ე ტურში, ნანსი სენტ-ეტიენს დაუპირისპირდა. მატჩი ფრედ, 1:1 დამთავრდა.
ზურიკო დავითაშვილმა შეხვედრა ძირითად შემადგენლობაში დაიწყო და 68-ე წუთზე შეცვალეს. წინა მატჩებისგან განსხვავებით ქართველ შემტევს თავი საგოლე მოქმედებით არ გამოუჩენია, მაგრამ პირველი ტაიმის ბოლოს კარგი შესაძლებლობა ვერ გამოიყენა. დავითაშვილმა 45-ე წუთზე პენალტი ვერ გაიტანა.
დავითაშვილის თამაში სტატისტიკის მწარმოებელმა პლატფორმებმა შემდეგნაირად შეაფასეს.
Flashscore: 5.7
Sofascore: 5.7
90e+9 : ⏹️ Un point laborieux, mais un point qui sera peut-être précieux. Il faudra toutefois faire bien mieux face à Dunkerque samedi prochain !
— AS Saint-Étienne (@ASSEofficiel) April 4, 2026
🔴 1-1 💚 #ASNLASSE pic.twitter.com/e4qS82mFVw
ზურიკო დავითაშვილმა საფრანგეთის ლიგა 2-ის მიმდინარე სეზონში 12 გოლი გაიტანა და 4 საგოლე გადაცემა შეასრულა, რაც სენტ-ეტიენის მოთამაშეებს შორის საუკეთესო შედეგია.
სენტ-ეტიენი 29 ტურის შემდეგ 54 ქულით მეორე ადგილზეა და ლიგა 1-ში დაბრუნებისთვის იბრძვის.
