დანი ოლმოსთვის 2025 წელი დასრულებულია - ბარსელონას მორიგი ტრავმირებული ჰყავს
ლა ლიგის მე-19 ტურის შეხვედრა ბარსელონამ შუა კვირაში ჩაატარა და ატლეტიკო მადრიდს 'ნოუ კამპზე' 3:1 მოუგო. ბარსელონამ, მიმდინარე სეზონში, რამდენიმე პრინციპული თამაში წააგო (რეალთან, ჩელსისთან) და ამ გამარჯვებამ ჰანსი ფლიკს სიამაყის საბაბი მისცა.
თუნდა, გერმანელი თავკაცი კვლავ მძიმე დღეშია ლაზარეთის კუთხით, რადგან თამაშიდან-თამაშამდე ბარსელონას ტრავმირებული ფეხბურთელები ემატება.
ამჯერად, ატლეტიკოს წინააღმდეგ დანი ოლმომ დაიზიანა მხარი, რის გამოც მინიმუმ 1 თვეს იუქმებს და 2025 წელს გუნდს ვეღარ დაეხმარება. ამის შესახებ ინფორმაცია თავად კატალონიურმა გრანდმა დაადასტურა.
INJURY NEWS ❗️
— FC Barcelona (@FCBarcelona) December 3, 2025
The first team player Dani Olmo suffered a dislocated left shoulder in the game on Tuesday against Atlético Madrid.
After tests, it has been decided to follow a conservative course of treatment.
Recovery time is approximately one month. pic.twitter.com/xA30OM7RG5
ოლმომ ტრავმა გატანილი გოლის მომენტში მიიღო, რის გამოც მან მხარი უნდა მოირჩინოს და რეაბილიტაციის პროცესი დაახლოებით 1 თვეს გასტანს.
შეგახსენებთ, რომ ატლეტიკოსთან თამაშის დროს ასევე დაზიანდა ტრავმიდან ახლადდაბრუნებული პედრი, თუმცა როგორც ჩანს მისი დაზიანება სერიოზული არ აღმოჩნდა.
ბარსელონას ასევე ტრავმირებული ჰყავს - ფრენკი დე იონგი, ფერმინ ლოპესი, გავი და ტერ შტეგენი, კლუბს ასევე ვერ ეხმარება რონალდდ არაუხო.
ბარსელონა შემდეგ მატჩს 6 დეკემბერს, სტუმრად ბეტისის წინააღმდეგ გამართავს.
სხვა სტატიები
