ჩემპიონთა ლიგის პლეი-ინში პსჟ-ს სავარაუდო მეტოქეები ცნობილია

ჩემპიონთა ლიგის ბოლო ტურში პარი სენ ჟერმენმა ნიუკასლს უმასპინძლა, მატჩი ფრედ, ანგარიშით 1:1 დასრულდა.

შედეგად, ლუის ენრიკეს გუნდმა ლიგის ფაზაში მე-11 ადგილი დაიკავა და პლეი-ინში გადაინაცვლა, რაც იმას ნიშნავს, რომ მომდევნო ეტაპზე მისი სავარაუდო მეტოქეები 21-ე პოზიციაზე გასული მონაკო ან მე-22 ადგილზე გასული ყარაბაღი იქნებიან.

უკვე ისიც ცნობილია, რომ მერვედფინალში გასვლის შემთხვევაში, პარიზული კლუბი ბარსელონას ან ჩელსის დაუპირისპირდება.

პლეი-ინის წილისყრა პარასკევს, 30 იანვარს გაიმართება, მატჩები კი 17-18 და 24-25 თებერვალსაა ჩანიშნული.