ჩელსი მზადაა, კაისედოს სანაცვლოდ 80 მილიონი ფუნტი გადაიხადოს
,,ჩელსიმ'' ,,ბრაიტონს'' მოისეს კაისედოს ტრანსფერის შესახებ ახალი წინადადებით მიმართა. ინფორმაციას Evening Standard-ი ავრცელებს.
გამოცემის ცნობით, ლონდონური გუნდი მზადაა, ეკვადორელის სანაცვლოდ, 80 მილიონი ფუნტი გადაიხადოს.
კაისედო არ არის ერთადერთი ნახევარმცველი, რომელსაც ,,არისტოკრატები'' მატეო კოვაჩიჩის, კაი ჰავერცის, ნ'გოლო კანტესა და რუბენ ლოფტუს-ჩიკის გაშვების შემდეგ აკვირდებიან. ,,ჩელსი'', ასევე, რომეო ლავიას (საუთჰემპტონი), ამადუ ონანასა (ევერტონი) და გაბრი ვეიგას (სელტა) ტრანსფერითაც ინტერესდება.
კაისედომ გასულ სეზონში ,,ბრაიტონის'' მაისურით ჩატარებულ 43 შეხვედრაში 1 გოლი გაიტანა და 1 საგოლე გადაცემა მიითვალა. 21 წლის ფეხბურთელს გუნდთან კონტრაქტი 2027 წლამდე აკავშირებს.
🚨 Chelsea hope a bid of £80m will be enough to sign Brighton midfielder Moises Caicedo. 🇪🇨
— Transfer News Live (@DeadlineDayLive) July 1, 2023
(Source: Evening Standard) pic.twitter.com/ik6tG7CDN0