"ბოლომდე დარწმუნებული ვარ, რომ ჩვენ უდანაშაულოები ვართ" - პეპ გვარდიოლა
"მანჩესტერის სიტის" მთავარი მწვრთნელი პეპ გვარდიოლა მისი გუნდისთვის წაყენებულ ბრალდებებს გამოეხმაურა.
"ასტონ ვილასთან" გასამართ შეხვედრამდე ესპანელი სპეციალისტი ტრადიციულად პრესკონფერენციაზე გამოჩნდა. ალბათ გასაკვირი არაა, რომ პეპის მიმართ "სიტის" გარშემო განვითარებულ მოვლენებზე უამრავი კითხვა გაისმა.
"ბრალი არ დაუმტკიცებიათ და უკვე ჩვენს დასჯაზე ფიქრობენ. როგორც კლუბის წარმომადგენლებმა მითხრეს, ჩვენ უდანაშაულონი ვართ. პრემიერ ლიგის დანარჩენი 19 კლუბი ისე გვადანაშაულებს, რომ საკუთარი პოზიციის დაცვის საშუალებასაც არ გვაძლევენ." - განაცხადა პეპმა.
🗣 "My first thought is already that we have been condemned."
— Football Daily (@footballdaily) February 10, 2023
Pep Guardiola says that everybody has already decided that Manchester City are guilty pic.twitter.com/U7G5VbfUZ3
"გაგვიმართლა, რომ ვცხოვრობთ საოცარ ქვეყანაში, სადაც ყველა უდანაშაულოა, სანამ ბრალი არ დამტკიცდება. არ ვიცი, რა მოხდება. მეორეს მხრივ ბედნიერი ვარ, რომ თავდაცვის საშუალება გვექნება. ბოლომდე დარწმუნებული ვარ, რომ ჩვენ უდანაშაულოები ვართ."
🗣 "I'm fully convinced that we will be innocent."
— Football Daily (@footballdaily) February 10, 2023
Pep Guardiola is confident in his club to prove the Premier League charges wrong pic.twitter.com/KQeGsQE7Hk
"ქვეყნდება სტატიები, სადაც წერენ, რომ ჩვენ ქვედა დივიზიონში უნდა გაგვაგდონ. ჩვენ აქამდეც ვყოფილვართ დაბალ დივიზიონებში და თუ იქ გაგვიშვებენ, დავბრუნდებით კიდეც." - ამბობს პეპი.
🗣 "We have been in the low divisions, not a problem."
— Football Daily (@footballdaily) February 10, 2023
Pep Guardiola gives his thoughts on the Premier League's charges against Manchester City pic.twitter.com/3HuxB4TMKS
შეგახსენებთ, რომ ოთხწლიანი გამოძიების შემდეგ, პრემიერ ლიგამ “მანჩესტერ სიტი” ფინანსური წესების დარღვევაში დაადანაშაულა. თუ ბრალდება დადასტურდა, მარტინ ზიგლერის თქმით, “ქალაქელებს” მთელი რიგი სანქციები ელით.
სხვა სტატიები
