"ბაიერნში გადასვლაზე უარი ვთქვი" - ანტონი
ბრაზილიელი ფეხბურთელის ანტონის ტრანსფერი რეალ ბეტისში გუშინ გაოფიციალურდა, ესპანურმა კლუბმა 1-წლიანი იჯარის შემდეგ მანჩესტერ იუნაიტედისგან ფეხბურთელი 22 მილიონი ევროს სანაცვლოდ გამოისყიდა.
ამის შემდეგ 25 წლის შემტევმა მედიასთან ისაუბრა და აღიარა, რომ ბაიერნში გადასვლაზე უარი თქვა:
სანამ ბეტისთან ყველა დეტალს შევათანხმებდი, იქამდე 1 დღით ადრე მიუნხენის ბაიერნის წარმომადგენლებს ვესაუბრე და უარი ვუთხარი. არ ვიცი ზუსტად რა თანხის შემოთავაზებას აპირებდნენ, მაგრამ მათ ვუთხარი, რომ ბეტისისთვის უკვე სიტყვა მქონდა მიცემული და ყველაფერი 95%-ით დასრულებული იყო. ამის შემდეგ მინდოდა, რომ იმ პატივისცემის და სიყვარულის გამო რაც აქ მივიღე ჩემი სიტყვა აუცილებლად შემესრულებინა, ბეტისში ძალიან ბედნიერი ვარ. ძალიან დიდ პატივს ვცემ ბაიერნს, მაგრამ ჩემი გადაწყვეტილების მიღების გამო კმაყოფილი ვარ. არ ვიცი, რა მოხდება მომავალში. - ანტონი
ესპანური გამოცემების ინფორმაციით, მიუნხენურმა კლუბმა ანტონის სანაცვლოდ მანჩესტერ იუნაიტედს 30 მილიონი ევრო შესთავაზა, ფეხბურთელს კი წელიწადში 7 მილიონ ევროს სთავაზობდა.
🗣️ Antony: "I spoke to Bayern Munich the day before everything was almost done with Betis (95%). I was offered €7M net per year.
— Football Talk (@FootballTalkHQ) September 3, 2025
But I rejected Bayern and told them I gave my word to Betis. And I'll stick to my word. Out of respect, affection and knowing that I'm happy here. I… pic.twitter.com/pmbCMWEbrr
.70.webp)
სხვა სტატიები
