ბაიერნს კარლი დაემტვრა - 18 წლის ფეხბურთელი 4 კვირას იუქმებს
გერმანიის ეროვნული ნაკრებისა და მიუნხენის ბაიერნის 18 წლის შემტევი - ლენარტ კარლი ტრავმირებულია. ამის შესახებ ინფორმაციას მიუნხენის ბაიერნიც ადასტურებს და წერს, რომ ფეხბურთელმა კუნთოვანი ბოჭკოების დაზიანება მიიღო, რის გამოც 3-4 კვირას იუქმებს.
🚨 𝗝𝗨𝗦𝗧 𝗜𝗡: Lennart Karl will be out for around 3 weeks.
— The Touchline | 𝐓 (@TouchlineX) April 10, 2026
He will miss the 2nd leg against Real Madrid, Leverkusen in the DFB Pokal and a potential Champions League semifinal first leg.
— @kerry_hau pic.twitter.com/4oDnO9fvH9
უკვე დადასტურებულია, რომ კარლი მადრიდის რეალთან გასამართ საპასუხო დაპირისპირებას, გერმანიის თასის 1/2-ფინალურ დაპირისპირებასა და იმ შემთხვევაში თუ ბაიერნი ჩ.ლიგის 1/2-ფინალში გავა, პოტენციურად პირველ მატჩსაც გამოტოვებს.
ახლა ტრავმა კიდევ უფრო მძიმეა - განსაკუთრებით სეზონის გადამწყვეტი ეტაპის გათვალისწინებით, სადაც ბაიერნი ბუნდესლიგის, გერმანიის თასისა და ჩემპიონთა ლიგისთვის იბრძვის.
კარლისთვის ეს ტრავმა მძიმე დარტყმაა იმ დროს, როდესაც მან ახლახან დაიწყო ყურადღების ცენტრში დაბრუნება. ფრაიბურგის წინააღმდეგ გატანილი გოლის შემდეგ, ახალგაზრდა ფეხბურთელი ბაიერნის გუნდში ერთ-ერთ მთავარ იმედად ითვლებოდა და მასზე დიდ იმედებს ამყარებდნენ, რომ მოედანზე მეტ წუთს მიიღებდა.
18 წლის გერმანელი ვუნდერკინდი ბაიერნში 2024/2025 წლების სეზონიდან თამაშობს, რა პერიოდშიც მან 36 მატჩი გამართა, სადაც 9 გოლის გატანა და 7 საგოლე გადაცემის შესრულება შეძლო.
სხვა სტატიები
