ბაიერნმა ლუის დიასის სანაცვლოდ ახალი შეთავაზება გაამზადა

ბაიერნმა ლივერპულს ლუის დიასის სანაცვლოდ ახალი შეთავაზება გაუმზადა, talkSPORT-ის ჟურნალისტის ბენ ჯეიკობსის ინფორმაციით გერმანულმა გუნდმა 80 მილიონი ევროს გადახდა გადაწყვიტა. მანამდე მერსისაიდელებმა 67.5 მილიონი ევროს შეთავაზება დაბლოკეს.

28 წლის კოლუმბიელ ფეხბურთელს გუნდიდან წასვლა სურს, მაგრამ აღნიშნულ შეთავაზებაზე ლივერპულის პასუხი ჯერჯერობით უცნობია. ლუის დიასს გუნდთან კონტრაქტი 2027 წლამდე აკავშირებს. ის მერსისაიდულ გუნდს 2022 წელს შეუერთდა, მას შემდეგ შემტევმა ფეხბურთელმა 148 შეხვედრაში მიიღო მონაწილეობა, რა დროშიც 41 გოლი გაიტანა და 23 საგოლე გადაცემა გააკეთა.