ავსტრიასთან გოლით მესიმ ისტორიული რეკორდი გაიმეორა

მსოფლიო ჩემპიონატის J ჯგუფის მე-2 ტურის შეხვედრაში არგენტინის ეროვნულმა ნაკრებმა ავსტრია 2:0 დაამარცხა.

მატჩში დუბლი გაიფორმა ლეო მესიმ, რომელიც 18 გოლით მუნდიალის ყველა დროის საუკეთესო ბომბარდირია.

თავისთავად, ბომბარდირთა შორის ერთპიროვნულად გალიდერება დღის მთავარი მოვლენა იყო, თუმცა ლეომ გატანილი გოლით კიდევ ერთი რეკორდი გაიმეორა - მესი გახდა მხოლოდ მესამე ფეხბურთელი ისტორიაში, რომელმაც გოლის გატანა მსოფლიო ჩემპიონატის ზედიზედ 6 მატჩში შეძლო.

მესიმდე მუნდიალზე მსგავსი სერია მხოლოდ ორ ფეხბურთელს ჰქონდა დაფიქსირებული - ჟიუსტ ფონტენს 1958 წელს და ჟაირზინიოს 1970 წელს.

არგენტინელის რეკორდული სერია კატარის მსოფლიო ჩემპიონატზე ავსტრალიასთან გოლით დაიწყო. მას შემდეგ კი ლეომ ნიდერლანდების, ხორვატიის, საფრანგეთის, ალჟირისა და ავსტრიის ნაკრებების კარი აიღო.