არგენტინამ და ბრაზილიამ მსოფლიო ჩემპიონატის შესარჩევი ეტაპის ერთ დღეს მეორედ წააგეს
მსოფლიო ჩემპიონატის საკვალიფიკაციო ეტაპის შეხვედრაში არგენტინა შინ ურუგვაისთან დამარცხდა (0:2), ბრაზილიამ კი სტუმრად კოლუმბიასთან წააგო (1:2).
Opta-ის ინფორმაციით, ეს სულ მეორე შემთხვევაა ისტორიაში, როცა არგენტინამ და ბრაზილიამ მუნდიალის შესარჩევი ეტაპის მატჩები ერთსა და იმავე დღეს დათმეს.
მსგავსი რამ პირველად 2015 წლის 15 ოქტომბერს მოხდა, მაშინ ,,ალბისელესტესთან'' ეკვადორმა იმარჯვა, მსოფლიოს ხუთგზის ჩემპიონების დამარცხება კი ჩილემ შეძლო.
მიმდინარე საკვალიფიკაციო ეტაპის 5 ტურის შემდეგ, სატურნირო ცხრილს არგენტინა ლიდერობს (12 ქულით), ბრაზილია კი 7 ქულით მე-5 ადგილს იკავებს. 22 ნოემბერს სამხრეთ ამერიკული გრანდები სწორედ ერთმანეთს შეხვდებიან.
2 - Es apenas la segunda vez en la historia que Argentina 🇦🇷 y Brasil 🇧🇷 pierden un partido de Eliminatorias Sudamericanas en el mismo día. El único antecedente data de octubre de 2015: Brasil 0-2 Chile y Argentina 0-2 Ecuador. Anómalo. pic.twitter.com/BahopOsJrf
— OptaJavier (@OptaJavier) November 17, 2023