ანჩელოტის პირველი არჩევანი - ბრაზილიის შემადგენლობა მუნდიალის შესარჩევი ეტაპის მატჩებისთვის

ბრაზილიის ეროვნული ნაკრების ახალმა მთავარმა მწვრთნელმა, კარლო ანჩელოტიმ, მსოფლიო ჩემპიონატის საკვალიფიკაციო ეტაპის მატჩებისთვის 25-კაციანი შემადგენლობა დაასახელა.

,,სელესაოს'' რიგებში ვერ მოხვდა ნეიმარი, რომელზეც იტალიელმა სპეციალისტმა განაცხადა, რომ ამის მიზეზი მისი ახლადმოშუშებული ტრავმაა:

ნეიმარმა ტრავმა ახლახან მოიშუშა. რა თქმა უნდა, ის ჩვენთვის მნიშვნელოვანი ფეხბურთელია. ჩვენი მთავარი მიზანი მსოფლიო ჩემპიონატისთვის მომზადებაა. მას დღეს დილით ვესაუბრე, რათა ყველაფერი ამეხსნა და დამეთანხმა.

ანჩელოტის არჩევანი ასე გამოიყურება:

• მეკარეები - ალისონი, ბენტო, უგო სოუზა

• მცველები - ალექს სანდრო, ალექსანდრო, ბერალდო, კარლოს აუგუსტო, დანილო, ლეო ორტისი, მარკინიოსი, ვანდერსონი, ვესლი

• ნახევარმცველები - ანდრეას პერეირა, ანდრეი სანტოსი, ბრუნო გიმარაეში, კაზემირო, ედერსონი, გერსონი

• თავდამსხმელები - ანტონი, ესტევეაო, გაბრიელ მარტინელი, მატიას კუნია, რაფინია, რიშარლისონი, ვინისიუს ჟუნიორი

ბრაზილიის ნაკრები, რომელიც მსოფლიო ჩემპიონატის შესარჩევი ეტაპის 14 ტურის შემდეგ 21 ქულით სატურნირო ცხრილის მე-4 პოზიციაზეა, 6 ივნისს ეკვადორს ესტუმრება, 11-ში კი პარაგვაის უმასპინძლებს.