აღნიშნული სცენარით მარსელის გავარდნა თითქმის გამორიცხული იყო

გუშინ ჩემპიონთა ლიგის ჯგუფური ეტაპის დასკვნით, ბოლო ტურში საოცარი რამ ვიხილეთ. ბენფიკამ რეალ მადრიდი 4:2 დაამარცხა, 2-ბურთიანი სხვაობა პორტუგალიური კლუბის მეკარემ ანატოლი ტრუბინმა დააფიქსირა და თავისი გუნდი პლეი-ინში გაიყვანა, ანუ ბენფიკა 1/16-ფინალში გავიდა და მარსელს ადგილი წაართვა.

სანამ ბენფიკა მე-4 გოლს გაიტანდა, პლეი-ინში მარსელი გადიოდა, მაგრამ ბოლო წამს ყველაფერი ფრანგული გუნდის საწინააღმდეგოდ შემოტრიალდა და მომდევნო ეტაპზე პორტუგალიურ კლუბს ვიხილავთ.

მატჩის შემდეგ, სტატისტიკისა და ანალიტიკის გვერდმა, Opta-მ ბოლო ტურამდე თითოეული გუნდის მომდევნო ეტაპზე გასვლის პროცენტული მაჩვენებელი გამოაქვეყნა, იმის შანსი, რომ ფრანგული გუნდი პლეი-ინში გავიდოდა 96% იყო, ხოლო ის რაც გუშინ დაფიქსირდა აღნიშნულ მდგომარეობას ხელოვნური ინტელექტი 0.00005%-ით აფასებდა. გუშინ განვითარებული სცენარი თითქმის წარმოუდგენელი ჩანდა, მაგრამ ბენფიკამ ეს მოახერხა და მარსელს აჯობა.

ბენფიკამ პლეი-ინის ბოლო 24-ე ადგილი დაიკავა, ხოლო მარსელი 25-ე პოზიციას დასჯერდა და მომდევნო ეტაპის გარეშე დარჩა.

პორტუგალიური კლუბი 1/16-ფინალში იასპარეზებს, მისი მეტოქის ვინაობა 30 იანვარს წილისყრის მეშვეობით გაირკვევა. მატჩები კი 17-18 და 24-25 თებერვალსაა ჩანიშნული.