,,აღარ ვეთამაშებით მეტოქეს, რომელიც კოსოვოს, როგორც სახელმწიფოს პატივს არ სცემს'' - კოსოვოს ნაკრების მენეჯერი

15 ნოემბერს რუმინეთსა და კოსოვოს შორის შემწყდარი მატჩის შემდეგ, კოსოვოს ნაკრების მენეჯერმა, ბაირამ შალამ, განაცხადა, რომ გადაწყვეტილება შეხვედრის შეწყვეტის შესახებ ფედერაციამ, მთავარმა მწვრთნელმა და ფეხბურთელებმა ერთად მიიღეს:

კოსოვოს ეროვნული ნაკრები ერთა ლიგის პლეი-აუტში საქართველოს სავარაუდო მეტოქეა. აღსანიშნავია, რომ საქართველო კოსოვოს დამოუკიდებლობას არ აღიარებს.

გუშინ უეფას სააპელაციო კომიტეტმა ჩაშლილ მატჩზე გადაწყვეტილება მიიღო - რუმინეთის ფეხბურთის ფედერაცია ჯამში 128 ათასი ევროთი დაჯარიმდა, გარდა ამისა, ნაკრებს 1 საშინაო შეხვედრის ჩატარება ცარიელ სტადიონზე მოუწევს. რაც შეეხება კოსოვოს, გუნდს ტექნიკური წაგება (0:3) ჩაეთვალა, ფედერაცია კი 6 ათასი ევროთი დააჯარიმეს.

რუმინეთისა და კოსოვოს მატჩის ბოლო წუთებში ფეხბურთელებს შორის შელაპარაკებას რუმინელი ფანების მხრიდან პროსერბული შეძახილები მოჰყვა. კოსოვოელებმა პროტესტის ნიშნად მოედანი დატოვეს, 1 საათის შემდეგ კი მსაჯმა შეხვედრის დასრულების გადაწყვეტილება მიიღო.

კოსოვომ სერბეთისგან დამოუკიდებლობა 2008 წელს გამოაცხადა, რასაც არც რუმინეთი აღიარებს.