6-წლიანი პაუზის შემდეგ, ფლორიან ტოვენი საფრანგეთის ნაკრებში გამოიძახეს

საფრანგეთის ნაკრების მთავარმა მწვრთნელმა, დიდიე დეშამმა, ტრავმირებული ბრედლი ბარკოლას ნაცვლად, ეროვნულ გუნდში ლანსის შემტევი, ფლორიან ტოვენი გამოიძახა.

32 წლის ფეხბურთელმა საფრანგეთის ნაკრებში ბოლოს 6 წლის წინ, 2019 წლის ივნისში, ანდორას წინააღმდეგ ითამაშა და თავი გოლითა და საგოლე გადაცემით გამოირჩა. მაშინ ტოვენი ჯერ კიდევ მარსელის ღირსებას იცავდა, 2 წლის შემდეგ კი მექსიკურ ტიგრესში გადავიდა.

მიმდინარე სეზონში ტოვენის ანგარიშზე ლანსის მაისურით ჩატარებულ 7 შეხვედრაში 2 გოლია.

საფრანგეთის ნაკრები ოქტომბერში 2 მატჩს ჩაატარებს - დეშამის გუნდი 10-ში აზერბაიჯანს უმასპინძლებს, 13-ში კი ისლანდიას ესტუმრება.