4 თვის შემდეგ | დე ბრუინე ნაპოლის დაუბრუნდა

„პარტენოპეის“ გულშემატკივრებისთვის ხანგრძლივი ლოდინი საბოლოოდ დასრულდა, რადგან დე ბრუინე ორშაბათს, 'კასტელ ვოლტურნოში', გუნდთან ერთად გამოჩნდა. მინდორზე 128-დღიანი არყოფნის შემდეგ, ბელგიელი მაესტრო კვლავ სრულფასოვან ვარჯიშს დაუბრუნდა.

34 წლის ფეხბურთელს არცერთ ტურნირზე არ უთამაშია მას შემდეგ, რაც 2025 წლის 25 ოქტომბერს, ინტერთან მატჩში, ბარძაყის კუნთის სერიოზული ტრავმა მიიღო.

საინტერესოა, რომ ტრავმა სწორედ მაშინ მიიღო, როდესაც ის პენალტს ასრულებდა, კუნთის დაზიანების სიმძიმე იმდენად მნიშვნელოვანი იყო, რომ სპეციალისტებმა სრული გამოჯანმრთელების ერთადერთ გზად ოპერაცია მიიჩნიეს. ნახევარმცველი იძულებული გახდა, თვეების განმავლობაში მოედნიდან შორს ყოფილიყო, რეაბილიტაციის პერიოდის დიდი ნაწილი კი მშობლიურ ბელგიაში, ოჯახთან და სანდო სამედიცინო ექსპერტებთან ერთად გაატარა.