25 მატჩში 1 მარცხი - ხავი ბარსელონას ისტორიაში შევიდა
კატალონიის "ბარსელონა" 2022/2023 წლების სეზონში საუცხოოდ კარგ ფორმაში იმყოფება, რასაც ბოლო წლების განმავლობაში მიჩვეულები ნამდვილად არ ვართ.
კატალონიელები 21 ტურის შემდეგ, ლა ლიგის მიმდინარე გათამაშებას 9 ქულით ლიდერობენ ("რეალს" გამოტოვებული აქვს 1 მატჩი). აღსანიშნავია ის ფაქტი, რომ 21 ტურის შემდეგ, ხავის გაწვრთნილ გუნდს 43 გოლი აქვს გატანილი, საკუთარ კარში კი მხოლოდ 7 გოლი მიიღეს, აქედან 3 გოლი მხოლოდ ერთ მატჩში, მადრიდის "რეალის" წინააღმდეგ გაუშვეს.
თასის ნახევარფინალში იასპარეზებენ, სადაც მათი მეტოქე მადრიდის "რეალი" იქნება. ასევე წინ ევროპა ლიგის 1/16-ფინალის მატჩი აქვთ, სადაც "მანჩესტერ იუნაიტედს" შეხვდებიან.
პირველი 25 მატჩის შემდეგ, ხავი ერნანდესი "ბარსელონას" ისტორიაში პირველი მწვრთნელია, რომელმაც ლა ლიგაში მხოლოდ ერთი მატჩი დათმო.
ასევე აღსანიშნავია ის ფაქტი, რომ ახალბედა სპეციალისტმა პეპ გუარდიოლას რეკორდიც გაიმაორე - ზედიზედ 11 გამარჯვება ლა ლიგაში.
Xavi's 11 wins in a row in all competitions equals Pep Guardiola's best winning streak as Barça's manager 😮
— ESPN FC (@ESPNFC) February 12, 2023
He can set the record against Manchester United on Thursday 👀 pic.twitter.com/SyxKNtNZ40
სხვა სტატიები
