რაფაელ ნადალი ჩოგბურთს იანვარში დაუბრუნდება
ერთწლიანი იძულებითი უქმობის შემდეგ, ლეგენდარული ესპანელი ჩოგბურთელი, რაფაელ ნადალი იანვარში ბრისბენის ტურნირზე ითამაშებს.
დიდი სლემის 22-გზის ჩემპიონი, რომელიც ავსტრალიის ღია პირველობისთვის ემზადება, ATP ტურში ბოლო სეზონს ჩაატარებს. ნადალმა უკანასკნელი შეხვედრა 2023 წლის დასაწყისში, მელბურნში ითამაშა, სწორედ მაკენზ მაკდონალდთან შეხვედრაში მიიღო ტრავმა, რომელმაც 1 წელი გამოატოვებინა.
37 წლის ჩოგბურთელმა სოციალურ მედიაში დაბრუნების თარიღი დაადასტურა:
ტურნირებისგან 1-წლიანი ჩამოშორების შემდეგ, ჩემი დაბრუნების დროა. ეს მოხდება ბრისბენში, იანვრის პირველ კვირას, იქ შევხვდებით - ამბობს რაფაელ ნადალი ტვიტერზე გავრცელებულ ვიდეოში
🎧👀💪🏻😉 pic.twitter.com/iH7NvsQGMT
— Rafa Nadal (@RafaelNadal) December 1, 2023
ბრისბენის ტურნირი ნადალს ავსტრალიის ღია პირველობისთვის მომზადებაში დაეხმარება, ესპანელს კარიერაში ავსტრალიის დიდი სლემი 2-ჯერ აქვს მოგებული, 2009 და 2022 წლებში. ბოლოს, მელბურნის ფინალში ნადალმა მედვედევი დაამარცხა, ამის შემდეგ კი საფრანგეთის ღია პირველობაც (როლან გაროსი) მოიგო, "თიხის მეფემ" საფრანგეთში 14-ჯერ იზეიმა ჩემპიონობა.
.70.webp)
სხვა სტატიები
.32.webp)
