ბორის ბეკერი ჰოლგერ რუნეს მთავარი მწვრთნელი გახდა
ლეგენდარული გერმანელი ჩოგბურთელი და მწვრთნელი - ბორის ბეკერი, 20 წლის დანიელი ჩოგბურთელის - ჰოლგერ რუნეს მთავარი მწვრთნელი გახდა.
Boris Becker has confirmed that he is Holger Rune's coach 🎾 pic.twitter.com/PeOFr5fy2Y
— Eurosport (@eurosport) October 19, 2023
ბორის ბეკერი თავადაც ლეგენდარული ჩოგბურთელი იყო - მას 6 დიდი სლემის ტურნირი აქვს მოგებული, აქედან 3-ჯერ უიმბლდონი (1985, 1986, 1989 წლებში); 2-ჯერ ავსტრალიის ღია პირველობა (1991, 1996 წლები); ერთხელ კი ამერიკის ღია პირველობის გამარჯვებული გახდა (1989 წელი). წლების განმავლობაში ბორის ბეკერი მსოფლიოს პირველი ჩოგანი იყო.
მწვრთნელის რანგში კი აუცილებლად უნდა აღინიშნოს, რომ 55 წლის გერმანელი ყოფილი ჩოგბურთელი 3 წლის განმავლობაში, 2013-2016 წლებში ნოვაკ ჯოკოვიჩის მთავარი მწვრთნელი იყო.
ნოვაკ ჯოკოვიჩმა ბორის ბეკერის მწვრთნელობის პერიოდში 21 ტიტული მოიგო, აქედან 2-ჯერ უიმბლდონი, ამერიკის ღია პირველობა, 2-ჯერ ავსტრალიის ღია პირველობა, როლან გაროსი და 14 მასტერსი.
ჰოლგერ რუნემ სოციალურ ქსელში ახალი მწვრთნელების პირველი ფოტო გამოაქვეყნა. გერმანელი მწვრთნელი და დანიელი ჩოგბურთელი საქმეს უკვე შეუდგნენ და ვარჯიში დაიწყეს.
სხვა სტატიები
