ბასილაშვილმა ჰარისთან წააგო და ბერგამოს ჩელენჯერს გამოეთიშა

ბერგამოს ჩელენჯერის საკვალიფიკაციო ეტაპის გადამწყვეტ შეხვედრაში მსოფლიოს 393-ე ჩოგანი, ნიკოლოზ ბასილაშვილი ბრიტანელ ბილი ჰარისთან (234) ორ სეტში, ანგარიშით 5:7, 1:6 დამარცხდა და ტურნირს გამოეთიშა.

მატჩი 1 საათსა და 20 წუთს გაგრძელდა. ნიკოლოზს პირველ სეტში, 4:5-ზე (მეტოქის ჩაწოდებისას), სამი სეტ პოინტი ჰქონდა, თუმცა ვერ გამოიყენა.

ბასილაშვილმა გუშინ ამავე ტურნირის საკვალიფიკაციო ეტაპის ნახევარფინალში ჰადი ჰაბიბს მოუგო და 10-მატჩიანი წაგებათა სერია შეწყვიტა.

ქართველმა ჩოგბურთელმა მაისში იდაყვზე ორი ოპერაცია გაიკეთა, რის გამოც რამდენიმე თვე გაუცდა.