როგორც ჩანს, საკმაოდ დამღლელი ტურნირების შემდეგ, ნიკოლოზ ბასილაშვილმა დასვენება და ძალების აღდგენა გადაწყვიტა.
29 წლის ქართველ ჩოგბურთელს სტოკჰოლმში გასამართ 250-იან ტურნირში მონაწილეობა უნდა მიეღო, თუმცა ნიკოლოზი შვედეთში აღარ გაემგზავრება.
როგორც ცნობილია, ბასილაშვილი Stockholm Open-ზე ბელარუსის წარმომადგენელმა, ილია ივაშკამ ჩაანაცვლა.
შეგახსენებთ, რომ გასულ თვეს ნიკოლოზ ბასილაშვილი ინდიან უელსის ფინალში გავიდა. ამის შემდგომ, მან ვენის ტურნირის პირველ შეხვედრაში პაბლო კარენო-ბუსტას დამარცხება მოახერხა. სამწუხაროდ, პარიზის მასტერსს ნიკოლოზი საწყის ეტაპზე, ადრიან მანარინოსთან წაგებით გამოეთიშა.